БЕРЛИН / ЛИЕЖ (АА) – Во голем број европски и светски градови вчера беа одржани протести за поддршка за палестинскиот народ, известува Анадолу.
Десетици илјади луѓе се собраа во Лондон на пропалестински протест, изразувајќи солидарност со народот на Палестина и упатувајќи барање за итен прекин на израелските воздушни напади во Газа.
Пропалестинските демонстрации ги преплавија улиците на главниот град на Велика Британија, а многумина носеа транспаренти на кои пишување „Слободна Палестина“.
Слични пропалестински протести се одржаа и низ цела Туркије, како и во Шпанија, Тунис, Германија, Ирска, Австралија и Јапонија.
Илјадници луѓе се собраа и на протестите на поддршка за Палестинците во Њујорк.
Во израелските напади на Појасот Газа досега животот го загубија 4.385 лица, соопштија вчера официјални претставници на палестинското Министерсвото за здравство, меѓу кои 1.756 се деца.
Борбите започнаа на 7. октомври, кога Хамас ја почна операцијата „Поплава Ал Акса“, ненадеен напад со низа лансирања на ракети и инфилтрирање во Израел преку копно, море и воздух. Хамас наведе дека операцијата е одмазда за упадите во џамијата „Ал Акса“ и зголеменото насилство од страна на еврејските доселеници врз Палестинците.
Потоа израелската војска ја започна операцијата „Железни мечеви“ кон позициите на Хамас во Појасот Газа. Оваа операција доби димензии на неселективно бомбардирање на цивилни населби, станбени објекти, џамии, цркви, но и болници.
Во нападите врз Израел загинаа повеќе од 1.400 лица.
