Илјадници Израелци протестираа против Владата на Нетанјаху, бараат размена на заробеници со Хамас

June 18, 2024
1 min read

КУДС (ЕРУСАЛИМ) (АА) – Десетици илјади Израелци се собраа на улиците во близина на израелскиот Парламент во Ерусалим доцна синоќа за да протестираат против Владата на премиерот Бенјамин Нетанјаху и да побараат предвремени избори и размена на заробеници со Хамас, јавува Анадолу.

Демонстрантите ги исполнија околните улици носејќи израелски знамиња и фотографии од израелски заробеници држени во Газа. На некои транспаренти Нетанјаху беше пречкртан со црвено „Х“ и текст „Злобен демон“ на хебрејски и англиски јазик.

Демонстрантите извикуваа слогани како „Соборете ја измамничката Влада“, „Избори сега“, „Предавници“ и „Срам“, според мониторингот на Анадолу на израелските медиуми што го пренесуваа протестот во живо.

Синоќешните демонстрации беа дел од активностите „Недела на отпор“ организирани од „Браќата на оружјето“, група на поранешни израелски војници.

Протестите започнаа претходната сабота и планирано е да продолжат до четврток.

Тие се организираат во услови на политички тензии во Израел и повици за постигнување договор за размена на заробеници со Хамас, палестинска група што го контролира Појасот Газа.

Непочитувајќи ја Резолуцијата на Советот за безбедност на Обединетите нации со која се бара итен прекин на огнот, Израел се соочи со меѓународна осуда поради неговата континуирана брутална офанзива врз Газа од нападот на Хамас на 7 октомври 2023 година.

Според локалните здравствени власти, оттогаш во Газа се загинати повеќе од 37.300 Палестинци, повеќето жени и деца, а над 85.000 се повредени.

Во текот на осум месеци од почетокот на израелската војна, огромни делови од Газа се во урнатини, а постои блокада за храна, чиста вода и лекови.

Израел е обвинет за геноцид пред Меѓународниот суд на правдата, чија последна пресуда му наложи веднаш да ја прекине својата операција во јужниот град Рафа, каде што над еден милион Палестинци побараа засолниште од војната пред да започне копнената офанзива врз градот на 6 мај.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Лидерите на ЕУ не се договорија за челниците на институциите на Унијата

Следно

Десетици севернокорејски војници ја минаа границата со Јужна Кореја

Latest from Blog

Ѓорѓиевски вечерва меѓу сограѓаните: Заедно кон историска победа

Кандидатот за градоначалник на град Скопје, Орце Ѓорѓиевски, вечерва беше меѓу своите сограѓани во Драчево, местото каде секогаш се чувствува најкомотно и најискрено прифатен. „Со луѓето со кои сум израснал ги споделивме

Лажен инвалид половина век примал пензија- од Италија добил дури милион евра

Седумдесетгодишниот маж примал инвалидска пензија од 1972 година, објави ТВ Раи. Финансиската полиција го следела повеќе од два месеци и го снимала како работи во градината, користејќи опасни алатки како што се

Вирц прогласен за најлош летен трансфер во Премиерлигата

Американското издание на „Спортс Илустрејтед“ го прогласи Флоријан Вирц за најлош летен трансфер во Премиер лигата. Списанието состави ранг-листа на најлошите трансфери од англиските клубови минатото лето. Критериумите за оценување беа перформансите
Go toTop