До 9:30 часот, во полиција е пријавено дека дојави се пристигнати во 14 училишта
Дојавите за поставени бомби во училишта продолжија и денеска.
Утрово, до 9:30 часот во Министерството за внатрешни работи е пријавено дека закани пристигнале на електронските адреси на 14 школи во Скопје.
„Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите“,
велат од МВР.
Вчера рекорден број училишта беа опфатени со дојавите за бомби. Ги имаше во 86 школи, една градинка и во Заводот за рехабилитација во Скопје, како и во едно училиште во Прилеп. По проверките, за сите беше утврдено дека се лажни.
ИЗВОР: 360stepeni.mk
