Од оперативниот центар на Генералниот директорат на полицијата постојано се јавувале во подрачните служби и прашувале дали Хрватите поминале, но некои од нив ниту го отвориле документот за да знаат зошто се поставува вакво прашање ниту знаеле кои се Хрватите и зошто доаѓаат во Грција
Претседателот на Југоисточниот полициски синдикат на Атика, Јоргос Калиакманис, во интервју за грчката национална телевизија ЕРТ информира дека неговите колеги направиле низа грешки и не го спречиле судирот меѓу навивачите на АЕК.
„Еден млад човек го загуби животот. Нема оправдување! За влезот на тие луѓе во Грција имало документ од хрватските власти и од црногорските власти во кој се вели дека овие конкретни криминалци ќе влезат во земјата и ќе се обидат да стигнат во Атина и да предизвикаат инциденти“,
вели Калиакманис.
претседател на Југоисточниот полициски синдикат на Атика
Во документот, како што нагласува тој, биле напишани и марката на автомобилите и нивните регистарски броеви. Вели дека полицијата многу лесно можела да им забрани на овие лица да влезат во Грција, иако се европски државјани кои доаѓаат од шенген-држава.
Калиакманис ја разбира огорченоста на министерот за внатрешни работи и на шефот на грчката полиција, велејќи дека и тој самиот е револтиран бидејќи некои полицајци можеле така детски и небрежно да се однесуваат кон информациите кои ги имале на располагање.
Според него, од оперативниот центар на Генералниот директорат на полицијата постојано се јавувале во подрачните служби и прашувале дали Хрватите поминале, но некои од нив ниту го отвориле документот за да знаат зошто се поставува вакво прашање ниту знаеле кои се Хрватите и зошто доаѓаат во Грција.
„Некои не ни знаеја за документот. Не го имаат ниту прочитано. А, итниот, таен документ зборува за луѓе, за криминална организација. Па, ако беа турски националисти и влезеа на граница, дали ќе можеа да стигнат Владата? Ова е неприфатливо“,
вели тој во интервјуто за ЕРТ.
.
Извор: 360stepeni.mk
