Бројот на жртви во пожарот во Хонг Конг се искачи на 65, повредените на 70, а повеќе од 300 лица се водат како исчезнати, објавија денес локалните власти.
Во соопштението се наведува дека се подготвува официјално барање до Пекинг за помош и поддршка, како и дека за преживеаните е обезбедено привремено сместување со парична отштета.
Генералниот секретар на администрацијата, Ерик Чан, изјави дека ќе се спроведе „сеопфатна истрага“, вклучувајќи кривична истрага од страна на полицијата, како и истрага од страна на локалното Министерство за домување за тоа дали заштитниот материјал на надворешните ѕидови на зградата ги исполнува противпожарните стандарди, јавува Би-Би-Си.
Извор: tv21
