Фудбалерите на Барселона потешко од очекуваното го совладаа третолигашот Гвадалахара со 0:2 и се пласираа во следната рудна од Купот на Кралот. Избраниците на Ханси Флик во финишот на натпреварот го пробија бедемот на домашниот тим и ја остварија очекуваната победа.
Стрелци за каталонскиот клуб беа Кристенсен во 77-та минута и Рашфорд во 90-тата минута. Во останатите натпревари кои се одиграа вечерва, Валенсија славеше на гости кај Спортинг Хихон со 0:2. Нашиот репрезентативен голман, Столе Димитриевски, го пропушти овој натпревар поради повреда.
Реал Сосиедад исто така се пласираше во следната рудна со победата против Елденсе со 1:2. За гостинскиот тим мрежата ја затресоа Сучиќ во 79-тата и Марин во 96-тата, а за домашниот тим погоди Начо Кинтана во 81-та минута.
Извор: vecer.mk
