ИСТАНБУЛ (АА) – Антонио Гутереш, генералниот секретар на ОН, денес упати честитки по повод Курбан бајрам, изразувајќи солидарност со муслиманите ширум светот кои поради судирите што се во тек не се во можност да го слават празникот со своите најмили, известува Анадолу.
„Овој Курбан бајрам изразувам солидарност со сите муслимани кои поради судирите, насилството и поделбите нема да можат да го слават со своите најмили“, наведе Гутереш на социјалната мрежа Х.
Тој изрази надеж дека вредностите на солидарност и емпатија што овој празник ги инспирира, ќе водат кон сочувствување и мир за сите.
Курбан бајрам, еден од двата најголеми празници на припадниците на муслиманската вероисповед, почна денес и ќе трае четири дена.
Извор: Anadolu Agency (AA)
