АТИНА (АА) – Пожарникарите 16-ти ден се борат да го стават под контрола големиот шумски пожар кој гори во грчката област Еврос, јавува Анадолу.
Селото Лефкими е евакуирано поради пожарот во шумското подрачје во близина.
Според податоците на Канцеларијата за управување со вонредни ситуации „Коперникус“ на Европската Унија (ЕУ), опожарените места во подрачјето на Еврос, кој го опфаќа и Александрополис, надминале 93.500 хектари.
Од друга страна, министерот за климатска криза и цивилна заштита, Василис Кикилијас, ги предупреди сите локални заедници да бидат подготвени за опасност од поплави, бидејќи од следната недела се очекуваат обилни врнежи од дожд низ цела Грција.
Кикилијас побара да се зајакнат мерките особено во овие региони поради големата веројатност од поплави во подрачјата каде што се изгорените шумски површини.
