Во однос на распоредот на силите во грчкиот парламент, Сириза е втора со 17,84 проценти освоени гласови и 47 пратенички места, ПАСОК е на третата позиција со 11,95 отсто гласови и 32 пратенички места, Комунистичка партија добива 7,62 отсто и 20 пратеници
По преброени 91 отсто од гласовите на парламентарните избори во Грција, Нова демократија добива 40,52 отсто од гласовите, 22,68 проценти повеќе од опозициската Сириза.
Партијата победник доби 158 пратенички места, со што Киријакос Мицотакис ќе може да формира еднопартиска влада.
Во однос на распоредот на силите во грчкиот парламент, Сириза е втора со 17,84 проценти освоени гласови и 47 пратенички места, ПАСОК е на третата позиција со 11,95 отсто гласови и 32 пратенички места, Комунистичка партија добива 7,62 отсто и 20 пратеници.
Потоа следуваат десничарските партии: Спартанци со 4,70 отсто и 13 пратенички места, Грчко решение со 4,48 отсто и 12 пратенички места и Победа со 3,72 проценти и десет пратеници.
На последното место е Курс на слободата на поранешната претседателка на парламентот од редовите на Сириза, Зои Константопулу, со 3,16 отсто и осум пратенички места.
Greece, national parliament election today:
91% counted
ND-EPP: 40.5% (-0.3)
SYRIZA-LEFT: 17.8% (-2.3)
PASOK KINAL-S&D: 12.0% (+0.5)
KKE-NI: 7.6% (+0.4)
Spartiates-*: 4.7% (new)
EL-ECR: 4.5%
…+/-vs. May 2023 election
➤ https://t.co/lsFdXOICtg #ekloges #Ekloges2023 pic.twitter.com/YAEkoPqjog
— Europe Elects (@EuropeElects) June 25, 2023
Од десничарските партии, Грчко решение беше дел и од претходниот пратенички состав, додека пак солунската Победа и радикалната десница Спартанци, поддржана од осудениот поранешен пратеник од Златна зора, Илиас Касидиарис, првпат ќе влезат во парламентот.
Излезеноста на изборите, според официјални информации, е 52,41 отсто.
На претходните избори на 21 мај годинава Нова демократија освои 40,79 отсто од гласовите, Сириза беше втора со 20,07 проценти, ПАСОК освои 11,46 отсто, а во парламентот место обезбедија пет партии кои го достигнаа неопходниот изборен праг од три отсто за влез.
Фото: EPA-EFE/GEORGE VITSARAS
ИЗВОР: 360stepeni.mk
