Звонимир Стојановиќ, таткото на повредениот Милош, изјави дека не знае како се случил инцидентот, додавајќи дека наместо да слави Божиќ, сега стравува за животот на својот син, пренесува Косово онлајн
По повод денешното ранување на Стефан (11) и Милош (21) од Готовуша, во кои пукаше Албанец, инаку припадник на КБС, се огласи и поранешниот специјален пратеник на американскиот претседател Ричард Гренел.
„Сите мора да го осудат ова насилство“,
напиша Гренел на Твитер.
This violence must be condemned by everyone. #kosovo #serbia https://t.co/9kOnCJJfng
— Richard Grenell (@RichardGrenell) January 6, 2023
Звонимир Стојановиќ, таткото на повредениот Милош, изјави дека не знае како се случил инцидентот, додавајќи дека наместо да слави Божиќ, сега стравува за животот на својот син, пренесува Косово онлајн.
„Жал ми е што дојде до ова. Тешко е, наместо да бидеме дома на овој ден, ние сме тука во болницата каде што се грижиме за нивното здравје и живот. Не знам кого би осудил, но ова не функционира вака, навистина е тешко“,
изјави Звонимир.
Зорица Стојановиќ, мајката на ранетиот 11-годишен Стефан изјави дека не ги знае деталите од пукањето и дека е во шок.
„Што беа криви децата“,
низ солзи прашала Зорица.
Две српски момчиња, братучедите Стефан Стојановиќ (11) и Милош Стојановиќ (21) денеска беа ранети во Готовуша кај Штрпце кога без причина, локален Албанец, пукал во нив од возило во движење, соопшти Канцеларијата за Косово и Метохија на Владата на Србија.
Според соопштението, во моментот на нападот, децата се движеле покрај патот и носеле бадниково дрво кога напаѓачот отворил оган врз нив.
Косовската полиција соопшти дека привела осомничен за ранувањето на двете момчиња од српска националност врз кои беше пукано од возило во движење додека носеле бадниково дрво.
Како што се наведува во соопштението, „по интензивна истражна работа, подрачната полиција Урошевац собрала информации на терен, го идентификувала и потоа го уапсила осомничениот А.К на возраст од 33 години“.
Приведен напаѓачот на момчињата кај Штрпце, станува збор за припадник на КБС
Претседателката на Косово, Вјоса Османи, го осуди нападот врз српските момчиња во Штрпце, нагласувајќи дека нивното ранување е неприфатливо и дека сторителот на нападот мора да биде изведен пред лицето на правдата, јавуваат Репортери.
Претходно и косовскиот премиер, Албин Курти, го осуди ранувањето на двете момчиња во близина на Штрпце, велејќи дека осомничениот за нападот, кој беше приведен од косовската полиција, ќе се соочи со судските органи.
Извор: 360stepeni.mk
