Градоначалникот на Гази Баба подели новогодишни пакетчиња на децата со атипичен развој

Градоначалникот на општина Гази Баба Бобан Стефковски додели новогодишни пакетчиња за дечињата со атипичен развој од општината.

– Новогодишни пакетчиња за децата со атипичен развој од општина Гази Баба. Ми беше задоволство да поделам новогодишни пакетчиња на дечињата со атипичен развој од општина Гази Баба. Со цел успешен раст и развој на секое дете, важно е развивање на неговите моторички вештини. Општина Гази Баба втора година по ред во соработка со здружението на граѓани ГА-БА Скопје организира континуирани спортски активности во кои се опфатени сите дечиња од основните училишта во општината, порача првиот човек на општината. 

– Се изведуваат разновидни вежби, игри и полигони со кои кај децата се развива моториката, моторните вештини, како и прецизност во движењето, точност и рамнотежа. Како локална самоуправа, но и лично како градоначалник и во иднина цврсто ќе стојам на ставот дека општината мора посветено да работи со цел на секое дете да му обезбеди услови за подобар раст и развој, додава Стефковски.