„За секој човек има име“, „Пристигнување“ се насловени дел од паноата на изложбата „Аушвиц – Место на Земјата: Албум со фотографии од Аушвиц“, која се отвори синоќа во Меморијалниот центар на Холокаустот на Евреите од Македонија , во чест на Меѓународниот ден за сеќавање на жртвите од Холокаустот – 27 јануари.
„Албумот со фотографии од Аушвиц“ е единствената позната визуелна документација за процесот на собирање и селектирање на Евреите кои биле депортирани во Биркенау. Фотографиите првенствено го прикажуваат пристигнувањето на транспортите од Карпатска Русија, Унгарија во Аушвиц-Биркенау, пролетта 1944 година.
„Албумот со фотографии од Аушвиц“ е единствената позната визуелна документација за процесот на собирање и селектирање на Евреите кои биле депортирани во Биркенау. (Фото: Ѓ. Личовски)
Фотографиите се собрани во албум кој има 56 страници и содржи вкупно 193 фтографии кои прикажуваат повеќе фази на тоа како изгледала постапката на која биле подложени Евреите по нивното пристигнување во Аушвиц-Биркенау.
Изложбата ја организираат Фондот на Холокаустот на Евреите од Македонија и Еврејската заедница. Изложбата е раскажана и продуцирана од Секторот за патувачки изложби, Оддел за музеи, Јад Вашем.
Фотографиите првенствено го прикажуваат пристигнувањето на транспортите од Карпатска Русија, Унгарија во Аушвиц-Биркенау, пролетта 1944 . (Фото: Ѓ. Личовски)
„Меѓународниот ден за сеќавање на жртвите од Холокаустот е посветен на сеќавање на трагедијата на Холокаустот за време на Втората светска војна во кој систематски биле убиени шест милиони Евреи во логорите на смртта, организиран и спроведен од нацистичкиот режим, неговите сојузници и соработници“, велат организаторите.
Овој ден е поврзан и со ослободувањето на нацистичкиот концентрационен логор Аушвиц-Биркенау на 27 јануари 1945.
ЧИТАЊЕТО Е БЕСПЛАТНО.
АМА НОВИНАРСТВОТО НЕ Е.
Поддржете го слободното, независно, професионално новинарство. Новинарство со интегритет.
ИЗВОР: sdk.mk
