Голема потрага во Литванија: Исчезнати американски војници кај границата со Белорусија

March 26, 2025
1 min read

Четворица американски војници се водат како исчезнати за време на воена вежба на НАТО во Литванија, а постои стравување дека загинале, јавуваат локалните медиуми. Војниците исчезнале со оклопно возило во близина на границата со Белорусија, сојузник на Русија, по што литванските и сојузничките сили започнале обемна потрага.

Според порталот „Делфи“, телата на војниците веќе се пронајдени, но официјална потврда сè уште нема.

Портпаролот на литванската армија, мајорот Гинтаутас Чиунис, изјави дека можното место на инцидентот е лоцирано и дека акцијата за пребарување и спасување е во тек.

Американската амбасада во Литванија потврди на социјалните мрежи дека војниците исчезнале на воениот полигон „Генерал Силвестрас Жукаускас“, во близина на Пабраде, во источна Литванија. Не е објавено точно кога исчезнале.

„Војниците, сите припадници на 1. бригада на 3. пешадиска дивизија, учествуваа во редовна тактичка обука во моментот на инцидентот. Во тек се напори за нивно пронаоѓање“, соопшти американската армија.

Литванските власти вчера добиле информации за исчезнувањето на војниците и нивното оклопно возило. Во потрагата учествуваат хеликоптери од литванските воздухопловни сили и Државната гранична служба.

Претседателот на литванскиот Одбор за национална безбедност и одбрана, Гиедримас Јеглинскас, истакна дека иако вакви инциденти може да се случат за време на големи воени вежби, од нив се извлекуваат важни лекции за подобрување на безбедносните стандарди.

Литванија е клучна членка на НАТО поради својата географска близина со Русија, а односите со Москва дополнително се заострија по руската инвазија врз Украина.

Извор: 24vesti.mk

MARKETING

MARKETING

Претходно

Назначени нови началници на СВР Штип и ОВР Кочани

Следно

Фидан и Рубио: Стабилноста на БиХ е важна за Балканот

Latest from Blog

Израелскиот премиер рече дека ќе ја заштити Европа од „иранската оска на злото“

АНКАРА (АА) – Израелскиот премиер Бенјамин Нетанјаху денес изјави дека ќе ги заштити Европа и нејзините сојузници од Блискиот Исток од, како што рече, „иранската оска на злото“, јавува Анадолу. „Ќе ја

АА: Средба Мицкоски-Филипче, за да се заштитат меѓусебно, македонската олигархија и да се зајакне моноетничката држава

Од Алијанса за Албанците денеска реагираа по повод средбата меѓу премиерот Христијан Мицкоски и лидерот на СДСМ, Венко ФИлипче. „Денешната средба на премиерот Христијан Мицкоски и проформа лидерот на контролираната македонска опозиција

Обвинение против таткото на Васил Јованов кој смртно ја прегази Фросина Кулакова

Основното јавно обвинителство  Скопје поднесе обвинение против таткото на Васил Јованов – момчето кое на 29 јануари годинава ја прегази младата Фросина Кулакова на булеварот „Партизански одреди“ во Скопје.  Обвинението против 50-годишникот

Островот Занзибар привлекува посетители со уникатните тури „сино сафари“

ЗАНЗИБАР (АА) – Занзибар, остров лоциран во близина на источниот брег на Африка, станува сè попопуларна туристичка дестинација благодарение на своите бели песочни плажи, историските камени улици и автентичните бродски тури познати
Go toTop