Глувците во училиштето „Панајот Гиновски„, во Бутел, не се од нехигиена, туку од изградба на градинка во близина, велат од Кабинетот на градоначалникот на општината.
Оттаму тврдат дека искршените врати, ѕидови, умивалници и казанчиња во тоалетите констатирани во санитарната инспекција, се резултат на недолично однесување на основците.
Од Санитарниот инспекторат потврдуваат дека веќе е направена дератизација на училиштето, откако во нивниот извештај констатираа незадоволителна санитарно-хигиенска и техчничка состојба каде освен пајажини по таваните и валкани подови, ги забележаа и оштетените тоалети.
– Издадено е решение за наредба за отстранување на недостатоците, со краток рок во делот темелно механичко чистење и дезинфекција како и континуирано одржување на хигиената како постојана обврска. Пред почетокот на школската година и во тек на месец септември се вршат контролни инспекциски надзори со цел утврдување дали е постапено по наложените мерки. Доколку не се постапи, следи прекршочна постапка за правното и одговорното лице. – д-р Кирил Лазов државен санитарен и здравствен инспекторат.
Министерката за образование Весна Јаневска, пак, препорачува во училиштето да се спроведе еколошка акција.
Извор: 24vesti.mk
