реклама
Нови 750 вработени со бруто плата од 1200 евра. Ова ќе го донесе новата инвестиција во Македонија. Ова е фабриката БМЗ од Франкфурт со инвестиција од 64.9 милиони евра. Станува збор за германската компанија за производство на напредни батериски системи.
Договорот беше потпишан од извршниот директор и основач Свен Бауер и директорот на Дирекцијата на ТИРЗ Јован Деспотовски, во присуство на вицепремиерот за економски прашања Фатмир Битиќи.
реклама
„Со оваа инвестиција и предвидениот број на работни места кој веќе се реализира, тоа е 750, целиот овој сет на договори предвидува отворање на нови 12.500 работни места. Само минатата година имавме 2000 нови работни места креирани од компаниите во зоните. Компанијата БМЗ станува прва која во својот план се обврза да обезбеди поддршка за програмите кои дирекцијата и Владата ги развиваат и веќе ги пилотираат во изминатите месеци. Во делот на развој на вештините кај младите луѓе и поддршка на таленти, се надевам дека примерот на БМЗ ќе го следат и сите постојани и идни инвестотори.“, вели Јован Деспотовски, директор на ТИРЗ.
„Со проектирањето на годишниот извоз од над 360 милиони евра. Новата фабрика на БМЗ ќе значи директна придобивка за извозните способности на РСМ и подобрување на трговскиот баланс. Но и директно учество во градењето на долгорочни и одржливи основи за раст и развој. БМЗ е синоним за технолошки напредна компанија со високо ниво на одржливост и пазарен потенцијал. Ова е доказ дека приближувањето на вредносниот ланец на производството во Европа која нашата земја ја промовираше веќе три години, полека почнува да дава резултати.“, вели Фатмир Битиќи, вицепремиер за економски прашања.
реклама
„Посебна гордност ми претставува тоа што компанијата БМЗ во својата политика работи со локален тим, и сакам да го поздравам целиот тим кој е испратен тука во Германија, друг дел во Полска и сега за нас останува полесниот дел, да си го лансираме производството откако заврши овој административен дел.“, рече Јелица Иванова, директорка на фабрика БМЗ во Скопје.
Според истражувањето за деловната клима на Делегацијата на германското стопанство во Македонија 80 проценти од постојните германски инвеститори повторно би инвестирале во државава. Германија е првиот од петте трговски партнери на Македонија според вкупниот обем на надворешно-трговската размена. Размената лани достигна 4,8 милијарди евра.
реклама
Јовица Пауноски, ТВ21, Франкфурт, Германија.
реклама
