БЕРЛИН (АА) – Во Германија во 2022 година е забележан сериозен раст во нападите врз мигрантските домови, пренесува Анадолу.
Според весникот „Ноје оснабрикер цајтунг“, врз основа на одговорот на германското Министерство за внатрешни работи на прашањето на Левицата, минатата година биле извршени 121 напад врз мигрантските домови.
Во веста се наведува дека во 2021 година биле регистрирани 70 напади врз мигрантските домови, и дека забележан е раст од 73 отсто во овие напади во 2022 година, во споредба со претходната година.
Според податоците на Министерството за внатрешни работи на Германија, покрај бегалските домови, во 2022 година биле регистрирани 1.248 напади врз бегалци или мигранти.
Оваа бројка покажа дека скоро секој ден најмалку тројца бегалци или мигранти биле жртва на напад.
Во 2021 година, покрај нападите врз мигрантските домови, 1.259 напади биле извршени врз бегалци или мигранти.
Како резултат на Руско-украинската војна, во 2022 годна во Германија дојдоа над 1 милион украински бегалци, а околу 218.000 од нив поднеле барање за азил.
Извор: www.aa.com.tr
