„Кога го почнав бизнисот, една од работите што ја забележав е дека има и други тур-оператори со подморници, меѓутоа тие вообичаено вработуваат господа кои се поранешни членови на екипаж на воени подморници, и кај нив има голем 50-годишни белци.
Сакав мојот тим да биде помлад, да биде инспиративен, и јас нема да инспирирам 16-годишник да се заинтересира за морска технологија, ама 25-годишник кој е пилот на подморница или оператор на платформа или некој од нашите техничари, може да биде инспиративен,“ изјавил основачот и ЦЕО на Оушнгејт, Стоктон Раш.
Ноќеска беше објавено дека се откриени делови од подморницата и дека се верува дека нема ниту еден преживеан. Место на тура со подморницата до дното на Атлантик каде што се наоѓаат остатоците од Титаник, чини 250.000 долари.
По објавувањето на смртта на патниците, коментар даде и режисерот Џејмс Камерон кој се има 33 пати симнато со подморница до Титаник, плус пред некоја година го допре дното на Маријанскиот ров, најдлабоката подводна точка на светот.
Уште првиот ден кога ги слушнал информациите дека подморницата останала и без навигација и без комуникација, знаел дека нема среќно да заврши.
„Во коските почувствував што се случило. На подморница во исто време да не и работи електрониката, да не и работи системот за комуникација, и да не и работи транспондерот за следење – тоа значи дека подморницата веќе ја нема.
…Немаа комуникација и немаа навигација, веднаш реков, не можеш да изгубиш комуникација или навигација во исто време без да се случи екстремен катастрофален настан или високо, високо енергетски катастрофален настан.
Прво нешто што ми падна на памет е дека имало имплозија,“ изјави режисерот.
Во четвртокот американската морнарица објави дека нивни радарски системи забележале „акустична аномалија конзистентна со имплозија“ кратко откако подморницата изгубила контакт со копното.
ИЗВОР: off.net.mk
