По повеќе од 24 часа завеаните во Галичник добија електрична енергија, а екипите на ЕВН оделе пеш неколку часа буквално од столб до столб за да го лоцираат проблемот.
Селото Галичник веќе три недели е отсечено од светот поради непрооден пат, а од месната заедница информираат дека трета недела селото е и без улично осветлување.
Патот Маврово-Галичник сè уште е непрооден, а според активните сообраќајни законски норми станува збор за регионален пат кој мора да биде постојано прооден, додаваат од Месната Заедница. Од таму упатуваат апел до надлежните институции што побргу да се овозможи пристап до ова село, кое има постојани жители, а многумина сопственици на имот имаат редовни работни обврски поврзани со повремено присуство во Галичник на кои им е потребен пристап.
Жителите на ова мијачко село очекуваат навремена реакција од надлежните институции за расчистување на патот. Сега прашањето кое се отвора е дали на диспозиција има соодветна механизација за овој патен правец, со оглед на тоа дека истиот е завеан од снег од 29ти ноември.
Извор: 24vesti.mk
