Првиот што рече дека Договорот меѓу Македонија и Косово за патот Тетово-Призрен треба да помине и во Собрание, беше градоначалникот на Тетово, Биљал Касами, дел од коалицијата ВРЕДИ, во август оваа година.
„Собранието беше на летен одмор и верувам дека од моментот кога ќе се вратат пратениците ќе продолжи постапката за ратификација на договорот во Собрание“, вели Биљал Касами.
Но по една недела, на 4 септември, ова го демантираше заменик министерката за транспорт, Калтрина Зеколи Шаќири.
-Премиерот на Косово Курти објави дека таму во тој дел започнати се работите а кај нас не е се уште поминат договорот во Собрание, или тендерската постапка…
„Не треба да помине во Собрание. Нема потреба…“, вели Калтрина Зеколи Шаќири.
-Кажа г. Касами…
„Нема да помине во Собрание“, додаде Калтрина Зеколи Шаќири.
Еден месец по оваа изјава, повторно истиот одговор како тој на Касами. Заменик директорот на ЈП Државни патишта Назим Таипи рече дека треба да се ратификува во Собрание.
„Се зборуваше за ратификација на Договорот во Собрание, во тој аспект на процедурите, дали е завршено тоа? Бидејќи имаше разни изјави во Собрание кои создадоа конфузија и не можеш да разбереш…“
„Тоа треба да помине во Собрание и нормално се чека да се ратификува во Собрание…“
Го прашавме повторно Касами, но денеска беше резервиран за да даде конкретен одговор.
„Денеска имам состанок со Министерот за транспорт, уште еднаш ќе повторам, немам детални информации бидејќи беше одговорност на Владата. Денеска имам состанок со Министерот за транспорт, ќе обезбедам поконкретни информации до каде се постапките“, вели Биљал Касами.
Екс зм.министерот за транспорт, кој го потпишал договорот со Косово, Беким Реџепи, овие споротивставени изјави на функционерите ги нарекува „пародиски гафови“ и додава дека Договорот е од таква природа и поради тоа нема потреба од ратификација во Собрание.
„Потпишаниот договор одредува тунелот кој се наоѓа на граничната линија да се кофинансира со косовската страна. Што се однесува до другиот дел од трасата, од почетокот до крајот на тунелот од Северна Македонија, треба само да почне да се проектира и изгради. Ние во тој правец, нелегитимната Влада има застој поради тоа што и во владината програма не се предвидува никаков проект за реализирање на проектите кои ги почнавме во албанските краеви“, вели Беким Реџепи.
А актуелниот министер за транспорт, Александар Николовски, рече дека за овој пат, освен потпишениот договор, сликањето и дадените изјави, минатата влада не направила ништо за магистралата Тетово – Призрен,
Николовски уверува дека патот Тетово-Призрен ќе се гради и дека работат на тоа.
ИЗВОР: ТВ 21
