Терористичкиот напад бил планиран да се изврши со активирање експлозивна направа што била поставена под автомобилот на Малофејев, соопшти ФСБ наведувајќи дека слична шема украинските безбедносни служби користеле во подготовка за убиството на руската новинарка Дарија Дугина
Руската Федерална служба за безбедност (ФСБ) денеска соопшти дека спречила обид на украинските специјални служби да го убијат рускиот милијардер, бизнисмен и извршен директор на групата компании „Царград“, Константин Малофеев.
Прес-службата на ФСБ за ТАСС изјави дека организатор на обидот за атентат врз Малофеев е основачот и еден од водачите на таканаречениот Руски доброволен корпус, рускиот државјанин Денис Капустин, кој живее на територијата на Украина и работи под контрола на украинската служба за безбедност, која учествува во борбени операции против руските трупи.
Терористичкиот напад бил планиран да се изврши со активирање експлозивна направа што била поставена под автомобилот на Малофејев, соопшти ФСБ, наведувајќи дека слична шема украинските безбедносни служби користеле во подготовка за убиството на руската новинарка Дарија Дугина.
🤡 The FSB claims that the oligarch Konstantin Malofeev was allegedly going to be blown up, like Daria Dugina, but they managed to prevent the murder. pic.twitter.com/loIm6Qxo94
— NEXTA (@nexta_tv) March 6, 2023
Руските истражители отворија кривична постапка против Капустин за обид за убиство на Малофеев, под обвинение за тероризам и нелегална трговија со експлозиви.
Покрај тоа, според руската безбедносна служба, Капустин го организирал и директно учествувал во нападот на припадниците на Рускиот доброволен корпус на 2 март оваа година врз селата во областа Брјанск во Русија, кога загинаа двајца цивили, а уште двајца беа повредени, вклучително и дете.
Како што беше соопштено, и за овој случај е покрената кривична постапка.
Прес-службата на ФСБ потсети дека во август минатата година руските истражители спречија саботажа и терористички напад планиран од Капустин со употреба на импровизирана експлозивна направа во фабрика за нафта и гас во регионот Волгогород, а потоа, по вооружен отпор, радикалните организации биле неутрализирани.
Фото: Некста/Твитер
Извор: 360stepeni.mk
