ВАРШАВА (АА) – Фронтекс со седиште во полскиот главен град Варшава, преку операцијата наречена „Пирати 1“, заплени фалсификувани производи со пазарна вредност од 33 милиони евра, пренесува Анадолу.
Во соопштението на Фронтекс се вели дека во операцијата, реализирана во период од 9 до 19 мај, чија цел била да се спречи стотици илјади производи да стигнат до европскиот пазар, учествувале 15 земји членки на ЕУ.
Според соопштението, евтините и нискоквалитетните фалсификувани производи може да го доведат во опасност здравјето на корисниците.
Се истакнува дека овие производи може негативно да влијаат врз приходите на ЕУ и пазарот на работната сила.
Во рамките на операцијата „Пирати 1“ запленети се фалсификувани производи со пазарна вредност од над 33 милиони евра.
Меѓу запленетите фалсификувани производи има облека, обувки, чанти, паричници, колани, очила за сонце, парфеми, електрични велосипеди и часовници, со што се нарушуваат правата над 60 комерцијални бренда.
Исто така, во овие рамки се запленети и електронски цигари, накит, 250 килограми наркотични средства и 59 парчиња огнено оружје.
Извор: www.aa.com.tr
