Љубомир Фрчкоски се огласи со соопштение до медиумите одговорајќи на изјавите на министерот за надворешни работи Тимчо Муцунски. Муцунски денеска кажа дека Фрчкоски го злоупотребувал буџетот како Амбасадор, и дека штетата е шест цифри во евра.
„Ова и од неискусен министер е сепак премногу наивно и манипулативно за јавноста.
Го повикувам Министерот јавно, со минимум аргументи и докази, да покаже случај на, не мора шестоцифрена, ако му е многу, еве на двоцифрена злоупотреба на финасиски средства што јас сум ја направил надвор од овластувањата, кои со Законот за надворешни работи се овластувања на секој Амбасадор – и со тоа сум го оштетил буџетот или приватно сум злоупотребил средства од сметка на Амбасадата.
Го повикувам исто така Министерот да не прави крупни, елементарни правни пропусти (за да добие посакуван резултат со конструирање на наводни злоупотреби), праќајќи во ревизија нелиценцирани, ненадлежни ревизори во пензија (за што има докази и сведоци) – чија “истрага и акти – Извештај“ не може да бидат користени како никаков правен доказ ниту во дисциплинска ниту во судска постапка. Имено, да не води “вмровски истраги“ туку да води нормални истраги, ако воопшто сака и има намера да дојде до вистината и фактите“, стои во одговорот на Фрчкоски.
ИЗВОР: ТВ 21
