Нема сомнеж дека Италија и Франција ќе продолжат да ја поддржуваат Украина се додека е потребно, рече Мелони
Франција и Италија се обединети во нивната поддршка за украинските воени напори, изјави францускиот претседател Емануел Макрон на денешната средба со италијанската премиерка Џорџа Мелони во Елисејската палата.
„Мораме да продолжиме, особено за да ја направиме контраофанзивата започната пред неколку дена што е можно поефективна“,
рече Макрон.
„Нема сомнеж дека Италија и Франција ќе продолжат да ја поддржуваат Украина се додека е потребно“,
рече Мелони пред средбата со францускиот претседател.
Нагласувајќи ја француско-италијанската посветеност, Мелони рече дека системот за воздушна одбрана SAMP/T-MAMBA, на кој двете земји работат со месеци, сега е оперативен на украинското бојно поле.
Мелони, исто така, рече дека Париз и Рим се согласуваат за потребата Европската Унија да работи „прагматично и сериозно“ за да му помогне на Тунис, земја која бележи егзодус на мигранти во Европа во последните месеци.
Фото: EPA-EFE/CHRISTOPHE PETIT TESSON
Извор: 360stepeni.mk
