Надежите за пласман во натамошната фаза од натпреварувањето почнаа да спласнуваат уште по првото полувреме кое Аргентинците го добија со 18:11, а во второто продолжија без проблем да ја одржуваат високата предност, приведувајќи го мечот кон сигурна победа со конечен резултат од 35:26
Македонската ракометна репрезентација го заврши своето учество во Ф-групата на Светското првенство, откако по трите одиграни меча не успеа да освои ниту еден бод.
Избраниците на селекторот Кире Лазаров вечерва во Краков убедливо загубија од Аргентина со резултат од 35:26.
Вечерашниот натпревар одлучуваше која ќе биде третата репрезентација од Ф-групата која ќе продолжи понатаму во Главната групна фаза на Светското првенство во ракомет што се одржува во Полска.
Македонските ракометари на теренот не одиграа ништо празлично од претходните дуели со Норвешка и Холандија и покрај најавите дека по двата убедливи пораза имаат сили за позитивен резултат.
Надежите за пласман во натамошната фаза од натпреварувањето почнаа да спласнуваат уште по првото полувреме кое Аргентинците го добија со 18:11, а во второто продолжија без проблем да ја одржуваат високата предност, приведувајќи го мечот кон сигурна победа.
Филип Талески со пет, Жарко Пешевски и Филип Кузмановски со по четири погодоци беа најефикасни во македонскиот тим, додека Диего Симонет со осум гола се истакна кај Аргентинците.
Во дербито на групата вечерва од 20:30 часот се среќаваат Норвешка и Холандија, двете селекции кои заедно со Аргентина одат во Главната групна фаза.
Нашата репрезентација ќе разигрува за пласман од 25 – 32. место во т.н. Пезидент куп.
ИЗВОР: 360stepeni.mk
