Посебни чувства, кои тешко се опишуваат со зборови, предизвикува парче црна ткаенина, која раскажува за тогашната потрага по преживеани, а на која со бела креда е напишано: „Васко и Маре се живи се наидуваат во дворот на Жиш“
Часовник од „старата“ желизничка станица, табла со имињата на сите жртви, наслови и насловни страници од весници, се само дел од бројните поставки и експонати кои посетителите можеа и можат да ги видат на изложбата насловена „Скопје – Градот Феникс“ што по повод 60-годишнината од катастрофалниот земјотрес што го погоди главниот град на земјава чиј организатор е Музејот на град Скопје.
Изложбата ја раскажува приказната за катастрофалниот земјотрес во Скопје што се случи на 26 јули 1963 година, како и животот во градот непосредно по трагедијата и сето она што ќе следи во првите месеци по неа.
Сето тоа е раскажано на паноата и преку изложените музејски предмети и материјали.
Посебен дел, како што е наведено во најавата за изложбата, која беше отворена вечерва во 20 часот, е посветен на меѓународната манифестација „Средби на солидарноста“, кој, како што велат организаторите е настан од исклучително значење за градот Скопје во 1960-тите години на 20 век.
Застапени се и бројните меѓународни спортски настани одржани во знакот на солидарноста, во периодот по 1963 до 1981 година, а во соработка со Сеизмолошката опсерваторија при Природноматематичкиот факултет на Унивезитетот „Св. Кирил и Методиј е подготвено и сеизмолошко катче, каде посетителите имаат можност да ѕирнат во тајните на сеизмологијата.
Автор на изложбата е Зоја Богдановска, кустос, советник и историчар во Музејот.
Изложбата ќе биде поставена до крајот на месец август, а влезот е слободен.
Меѓу поставките кои ја раскaжуваат приказната за земјотресот и деновите и години по него, а кои од вечерва можеа да ги видат постетителите, беа и мапи со голем број држави од светот државите и локациите и населбите каде секоја од нив помагала во санирањето на штетите и помош на жителите.
Посебни чувства, кои тешко се опишуваат со зборови, предизвикува парче црна ткаенина, која раскажува за тогашната потрага по преживеани, а на која со бела креда е напишано:
„Васко и Маре се живи се наидуваат во дворот на Жиш“
На денешен ден – 26 јули во 1963, скопјани ги разбуди најголемата природна катастрофа што го снашла градот. Во 5:17 часот се затресе земјата под Скопје со јачина од 6,1 степен според Рихтеровата скала.
Земјотресот зад себе остави урнатини, одзеде 1 070 животи, а околу 3 000 лица беа повредени. Над 200 000 жители останаа без покрив над главата. Но, го претвори Скопје и во град на солидарноста – хуманитарна помош за обновување на градот пристигаше од сите страни.
Во продолжение погледнете ги фотографиите, со дел од експонатите, предметите и материјалите на изложбата, што ги направи „360 степени“:
ИЗВОР: 360stepeni.mk
