Според информации од социјалните мрежи, но и од дел од медиумите, како резултат на невремето во делови од градот има поплави и паднати дрвја
Силно невреме го зафати Скопје нешто пред 16 часот попладнево.
Невремето е проследено со пороен дожд, силен ветер и грмотевици.
Според информации од социјалните мрежи, но и од дел од медиумите, како резултат на невремето во делови од градот има поплави и паднати дрвја.
Управата за хидрометеоролошки работи (УХМР) претходно денеска најави дека во попладневните и вечерните часови се очекува нестабилно време со локален пороен дожд, грмежи и засилен ветер. На одредени места, прогнозира УХМР, процесите ќе бидат во форма на невреме со интензивен пороен дожд, силен ветер и град.
Нестабилно време со локален пороен дожд се очекува и утре.
ИЗВОР: 360stepeni.mk
