Невремето ги зафати Краљево, Ниш, Чачак, Лесковац, а предупредување за бура е издадено и за други градови. Оштетени се фасади на куќи, покриви на автомобили, а искршени се и стакла и клима-уреди. Граѓани пријавуваат штети на крововите на куќите, а има и откорнати дрвја на улиците
Огромно невреме проследено со дожд, силен ветер и град попладнево зафати голем дел од Србија. Во делови од земјата паѓаше град со големина на јајце и предизвика големи штети, објави Српската радио-телевизија (РТС).
Невремето ги зафати Краљево, Ниш, Чачак, Лесковац, а предупредување за бура е издадено и за други градови.
Краткотрајната бура, која во просек траела околу дваесетина минути, предизвика големи штети.
Градот со големина на орев во Краљево оштетил фасади на куќи, покриви на автомобили, а искршени се и стакла и клима-уреди. Мештаните пријавуваат штети на крововите на куќите, а има и откорнати дрва на улиците.
Во приградските населби и села во околината на Краљево и Чачак се уништени земјоделски култури.
Во населбата Угљарево во Општина Трстеник паѓаше град со големина на јајце.
По 20 часот вечерва, во Србија доаѓа ново невреме кое се движи од Хрватска и БиХ, пишува РТС. Во Бачка, Срем и западна Србија се очекуваат интензивни врнежи проследени со грмотевици и град.
Србија и вчера беше погодена од силно невреме кое одзеде три животи.
Во Нови Сад загина дете, а жена почина во пожар откако гром удрил во дрво покрај нејзината куќа. Загина и маж од Бачка Паланка кој се обидувал да ги тргне струјните кабли кои паднале на капијата на неговата куќа.
Извор: 360stepeni.mk
