Во тек, како што пренесува Би-би-си, е голема операција за пребарување и спасување, бидејќи сè уште не е позната судбината на голем број лица. Повеќе од 11 000 луѓе вчера беа принудени да го напуштат островот Мауи, соопшти директорот на одделот за транспрот на Хаваи, Ед Снифен на прес-конференција
Некои луѓе биле принудени да скокаат во Тихиот Океан за да избегаат од чадот и огнот, што ја принуди американската крајбрежна стража на спасувачки акции за нивно извлекување од океанот, пренесуваат локалните медиуми
Најмалку 36 лица загинаа во шумските пожари кои беснеат на островот Мауи на Хаваите, соопштија тамошните власти, јавуваат светските медиуми.
„Како што продолжуваат напорите за гаснење, денеска се откриени вкупно 36 жртви поради активниот пожар во Лахаин“,
се вели во соопштението на локалните власти, пренесува Си-ен-ен.
Историскиот град, како што пренесуваат медиумите и како што се гледа од фотографиите е уништен до темел. Смртоносниот пожар, кој се шири поради силниот ветер, е незапирлив и покрај напорите на пожарникарите и на локалните жители да се справат со стихијата и да ги заштитат своите домови и фирми.
Повеќе од 11 000 луѓе вчера беа принудени да го напуштат островот Мауи, соопшти директорот на одделот за транспрот на Хаваи, Ед Снифен на прес-конференција.
Сепак, во некои авиони кои вчера заминуваа од Мауи имало празни седишта, бидејќи затворањето на главните автопати им го отежнал пристапот на дел од загрозените до аеродромот, рече Снифен, пренесува Си-ен-ен. Тој истакна дека сега патиштата во голем дел се повторно отворени.
Во обид да им помогне на патниците да заминат, округот Мауи организираше автобуси за да однесат повеќе од 400 луѓе до аеродромот, рече тој. Авиокомпаниите, исто така, помогнаа со ангажирање на поголеми авиони, намалување на цените на билетите и нудење на дополнителни услуги.
New video shows a massive fire raging near homes in Maui, as an emergency proclamation has been declared for Hawaii and Maui counties over dangerous wildfires. https://t.co/2KsBGPjap4 pic.twitter.com/irg2TR4bPn
— ABC News (@ABC) August 9, 2023
Во тек, како што пренесува Би-би-си, е голема операција за пребарување и спасување, бидејќи сè уште не е позната судбината на голем број лица.
„Едвај успеавме на побегнеме на време. Беше толку тешко да седам таму и да гледам како мојот град гори до пепел и да не можам да направам ништо“, .
изјавил за Асошиејтед прес, Камуела Кавакоа, кој во вторникот, кога избувнаа пожарите побегнал во засолниште за евакуација со својот партнер и шестгодишниот син
Пет засолништа за евакуација се отворени на Мауи, кои, како што претходно соопштија официјални лица биле „претрупани“ со луѓе.
Пожарникарите сè уште се борат со активните пожари, а хеликоптери исфрлиле илјадници тони вода во обид да го стават огнот под контрола.
Лахаин, туристички град и главна туристичка дестинација на островот, е целосно уништен од пожарот, а сликите покажуваат огромни површини опустошени од огненатра стихија.
„Ја доживеавме најлошата катастрофа што некогаш сум ја видел. Целиот Лахаин е изгорен до темел. Ова е како апокалипса“,
изјавил жителот на градот Мејсон Џарви за Ројтерс.
Некои луѓе биле принудени да скокаат во Тихиот Океан за да избегаат од чадот и огнот, што ја принуди американската крајбрежна стража на спасувачки акции за вадење на луѓето од океанот, пренесуваат локалните медиуми.
„Евакуацијата дополнително беше комплицирана поради прекинот на струја и прекинот на услугите на мобилните телефони, бидејќи комуникацијата со западната страна на Мауи беше достапна само преку сателит“,
изјави гувернерката на Хавиа, Силвија Лук.
North Kihei wildfire footage. Evacuation orders in place for Kihei east of Pi’ilani Highway. Prayers for everyone’s safety
VC: Clint Hansen #Wildfire #Maui #Kihei #Hawaii #Dora #HurricaneDora #Heatwave #Fire #Climate #Weather #Firefighters #Viral #ForestFire pic.twitter.com/G8QaekmoTh
— Earth42morrow (@Earth42morrow) August 9, 2023
Белата куќа објави порака со сочувство од претседателот Џо Бајден до настраданите, како и поддршка за пожарникарите. Тој наредил сите „расположливи федерални средства на Островите да помогнат во одговорот (за справување со пожарите)“.
„Националната гарда, американската морнарица, маринците и крајбрежната стража беа мобилизирани, додека американското Министерство за транспорт помогна во напорите за евакуација“,
рече Бајден.
Дин Крисвел, администратор на федералната агенција за управување со вонредни состојби, рече дека американската помош е веќе одобрена.
Причината за пожарите во Мауи допрва треба да се утврди, но националната метеоролошка служба соопшти дека пожарите биле поттикнати од мешавина на сува вегетација, силни ветрови и ниска влажност.
Како што соопшти националниот центар за урагани, пожарот дополнително го разгореле ветровите од ураганот Дора кој беснеел на околу 1 380 километри југозападно од Хонолулу.
Извор: 360stepeni.mk
