(ФОТО+ВИДЕО) Најмалку 118 загинати во земјотрес во Кина – спасувачките екипи се борат со студот во потрагата по преживеани

Кинескиот претседател Си Ѓинпинг ги повика властите да вложат максимални напори во потрагата по преживеани и згрижување и давање медицинска нега на повредените. Тој посочил дека катастрофата се случила во област на голема надморска височина, каде што температурите во моментот се многу ниски

Најмалку 118 луѓе загинаа, а стотици се повредени во земјотрес што ја погоди северозападна Кина, објави утрово кинеските државни медиуми, пренесуваат светските агенции.  

Средиште на земјотресот, кој се случил вчера доцна попладне, бил округот Џишашин во провинцијата Гансу. Во потресот, како што се наведува, се оштетени домови и патишта, а спасувачки тимови кои веднаш започнале со потрагата се обидуваат да стигнат до преживеани под урнатините на температури под нулата.

Јачината на земјотресот според Геолошкиот институт на САД била 5,9 степени според Рихтеровата скала, додека пак според проценката на кинеската Управа за земјотреси потресот бил посилен со магнитуда од 6,2 степени според Рихтеровата скала.

Според последните податоци, во провинцијата Гансу загинале 105 луѓе, а повеќе од 4 700 куќи биле оштетени. Покраинските власти соопштиле дека вкупно 397 лица се повредени, од кои 76 потешко, а 16 се во критична состојба.

❗💥🇨🇳 – Damage and injuries reported after strong earthquake that shook Gansu-Qinghai border region in #China. pic.twitter.com/PTqbE5gBFR

— 🔥🗞The Informant (@theinformantofc) December 18, 2023

Кинескиот претседател Си Ѓинпинг ги повика властите да вложат максимални напори во потрагата по преживеани и згрижување и давање медицинска нега на повредените. Тој посочил дека катастрофата се случила во област на голема надморска височина, каде температурите во моментот се многу ниски.

Видеата и фотографиите објавени на кинеските државни медиуми прикажуваат семејства на отворено завиткани во дебели ќебиња.

Локалните власти, како што пренесуваат медиумите, поставиле шатори на плоштадот во Дахеџи  во округот Џишишан, кој е тешко погоден од земјотресот. Температурата измерена во округот во текот на ноќта изнесувала минус 14 Целзиусови степени.

Инаку, земјотресите се честа појава во Кина, особено во југозападните делови на земјата, каде што среќаваат евроазиската и индиската тектонска плоча.

Вчерашниот земјотрес може да биде најсмртоносниот што ја погодил Кина во последната деценија. Претходно во 2014 година во земјотресот што ја погоди југозападната провинција Јунан загинаа околу 600 луѓе, а во 2008 година соседната провинција Сечуан беше средиштето на разорен земјотрес од 7,9 степени според Рихтеровата скала, во кој загинаа околу 90 000 луѓе.

Британскиот национален сервис разговарал со главниот командант на тимот за пребарување и спасување Ванг Ји во врска со спасувачките операции. Тој изјавил за сервисот изјавил дека бројот на жртви дефинитивно ќе се зголеми, но не многу.

Imágenes de daños en la región fronteriza de Gansu-Qinghai #China 🇨🇳 tras el fuerte #sismo de M5.9 #earthquake
Diciembre 18 de 2023
Créditos 📹 @cocochen2022
Vía @Centinela_35 pic.twitter.com/cF71b2F3Ve

— Geól. Sergio Almazán (@chematierra) December 18, 2023

Ванг, исто така, навел дека многу ниските температури претставуваат особена тешкотија. Тие, како што посочил тој, се постојано под нулата и тешко подносливи, што ќе влијае и на тоа колку колку преживеани би можеле да бидат спасени.

„Главно тоа е температурата, времето. Второ тоа е надморската височина. Местото е постудено од Турција (која исто така неодамна доживеа разорен земјотрес). Тешко е да се издржи за тимови од југ (каде што е потопло)“,

рекол Ванг.

Тој додал дека мал број преживеани биле пронајдени откако неговиот тим пристигнал во провинцијата денеска наутро.

„Тимот на терен проверува (од куќа до куќа за преживеани). Мислам дека околу градот не треба да има многу проблеми бидејќи таму имаме многу ресурси за пребарување и спасување“,

рекол тој.

Планинскиот регион во северна Кина, каде што се случил земјотресот, е еден од етнички најразновидните во земјата.

Епицентарот каде што се случи земјотресот – автономната префектура Линксиа Хуи – е центар на муслиманскиот народ Хуи, голема кинеска етничка група.

Регионот вклучува и други муслимански кинески групи, вклучително и народот Бонан, Донгсијанг и Салар.

Во споредба со остатокот од Кина, станува збор за многу сиромашен регион.

#UPDATE: Video captured the moment when a 6.2-magnitude earthquake shook Linxia Hui Autonomous Prefecture in NW China’s Gansu on Monday night. The quake can be felt in major cities like Xi’an and Chengdu. pic.twitter.com/CrDeQBbnyO

— People’s Daily, China (@PDChina) December 18, 2023