ФОТО: Полицајци спасија маж кој се обидел да се самоубие скокајќи од мост

Полициски службеници спасија лице во Куманово при обид за самоубиство.

-Денеска во 10:40 часот, по претходна пријава за лице кое сака да се самоубие, полициски службеници од СВР Куманово заедно со екипа од Територијалната противпожарна единица Куманово спасија 34-годишно лице од кумановско, кое се обидело да се фрли од „Искрин мост“ во Куманово.

-По преземени мерки, лицето е убедено да се откаже од намерата, по што е пренесено во Општа болница Куманово за укажување лекарска помош, информира МВР.