(ФОТО) Косовската полиција тврди дека спречила терористички напад во Звечан

Министерот за внатрешни работи тврди дека на 100-тина метри од Општината бил пронајден српски автомобил со арсенал оружје во него. Во Белград, пак, за утре наутро е закажана вонредна прес-конференција на директорот на Канцеларијата за Косово и Метохија

Министерството за внатрешни работи на Косово, Џелал Свечља вели дека косовската полиција спречила терористички напад во Општината Звечан во која живее мнозинско српско население. Тој ја обвини Србија дека се обидува да го дестабилизира Косово.

„Косовската полиција спречи терористички напад. Влагодарение на интензивниот ангажман на специјалните единици на косовската полиција и добиените информации, денес на околу 100 метри од Општина Звечан е идентификуван автомобил со белградски регистарски таблички во кој се наоѓале голема количина оружје и експлозивни направи“,

вели Свечља.

Ваквите тврдења од властите во Приштина доаѓаат откако дел од српските медиуми објавија дека косовски специјалци вечерва се распоредиле низ улиците во Звечан и се планира ново апсење на Срби од Косово.

Од Белград, пак, најавено е обраќање за утре наутро. Директорот на Канцеларијата за Косово и Метохија Петар Петковиќ за утре во 10 часот во Владата на Србија закажана вонредна прес-конференција.