Претседателката на Европската комисија, Урсула фон дер Лајен, најави воведување на возрасна граница за користење на социјалните мрежи.
До крајот на годината, тие ќе формираат експертска група која ќе го разгледа најдоброто решение за Европа, рече таа во говорот во Европскиот парламент во Стразбур.
Фон дер Лајен ги спореди можните регулативи за социјалните медиуми со оние за тутунот и алкохолот.
„Во мое време, како општество, ги учевме нашите деца дека не треба да пушат или пијат до одредена возраст“, рече претседателката на Комисијата.
„Мислам дека е време да го сториме истото и со социјалните мрежи“, нагласи таа.
Родителите се загрижени за неограничениот пристап на нивните деца до социјалните мрежи. На пример, поради алгоритмите што ги искористуваат слабостите на децата за да ги измамат да ги користат.
„Кога станува збор за безбедноста на нашите деца на интернет, Европа им верува на родителите, а не на профитот“, изјави Фон дер Лајен.
Извор: tv21
