Барселона ужива во добрите резултати во Ла Лига, каде што е лидер, но се соочи со неочекувано сериозен проблем на турнирот во Копа дел Реј. Таму, „блауграните“ беа поразени со 4-0 од Атлетико Мадрид во првото полуфинале и сега треба да создадат чудо за да продолжат кон натпреварот за трофејот. Реваншот на „Камп Ноу“ е вечерва од 21 часот. Еве што рече тренерот Ханси Флик во пресрет на дуелот:
“За претстојниот натпревар сите знаат дека заостануваме четири гола и сакаме невозможното да го направиме можно. Нема да се откажеме. Ова е важен натпревар, мора да веруваме. Дали е можен подвиг како оној против ПСЖ во 2017 година? Не размислувам за минатото, се фокусирам на сегашноста. Ја знаеме историјата, мора да си ја работиме работата. Мора да играме на највисоко ниво. Мислам дека секогаш мора да верувате, а сите навивачи ќе нè поддржат. Го имаме примерот на Борусија (Дортмунд) кога победивме со 4-0 (април 2025 година). Ќе биде тешко, противникот е фантастичен… но ние можеме да го направиме тоа“ посочи Германецот на клупата на Барса.
Извор: vecer.mk
