АНТАЛИЈА (АА) – Турскиот министер за надворешни работи, Хакан Фидан, денес соопшти дека во тек се подготвителни активности за средба меѓу турскиот претседател Реџеп Таип Ердоган и американскиот претседател Доналд Трамп, известува Анадолу.
„Во тек се активности за да се утврди дали таков состанок ќе се одржи во САД или Туркије“, им соопшти министерот Фидан на новинарите на Дипломатскиот форум во Анталија, чијшто глобален комуникациски партнер е Агенција Анадолу.
Фидан информираше дека претседателот Ердоган има намера да ја посети и Сирија.
„Работиме на соодветните услови, датум и место“, рече министерот Фидан.
Турскиот министер истакна дека овогодинешното 4. Дипломатски форум во Анталија бил многу продуктивен.
„Бевме домаќини на вкупно 6.000 учесници од 155 земји, од кои 21 шеф на држави и влади и 64 министри и други претставници“, соопшти министерот Фидан.
Извор: Anadolu Agency (AA)
