ИСТАНБУЛ (АА) – Турскиот министер за надворешни работи Хакан Фидан денес изјави дека Туркије има капацитет „најважно одлучност да ги елиминира сите закани за нејзиното постоење од нивниот извор“, мислејќи на терористичката организација ПКК/ЈПГ, јавува Анадолу.
„Се гледа крајот на патот на терористичката организација ПКК/ЈПГ и на нејзините ограноци во Сирија“, изјави Фидан за новинарите.
„Ние го кажавме тоа повеќепати. Не може да живееме со таква закана (од ПКК/ЈПГ). Или некој друг ќе преземе акција или ние ќе преземеме нешто“, додаде тој.
Во врска со посетата на американскиот државен секретар на Париз, Фидан рече дека Туркије ги игнорира земјите што се обидуваат да ги унапредат сопствените интереси во Сирија користејќи ја американската моќ.
„Искрено не ги земаме предвид земјите (како Франција) што се обидуваат да ги унапредат своите интереси во Сирија користејќи ја моќта на САД, криејќи се зад неа“, додаде тој.
Во врска со тековната геноцидна војна во Палестина, Фидан рече: „Апсолутно е неприфатливо Палестинците да бидат оставени без татковина, без земја и без државјанство.“
Извор: Anadolu Agency (AA)
