Фудбалската федерација на Македонија ги одложува денешните натпревари во сите конкуренции заради трагедијата која се случи во нашата земја во Кочани.
Во пожар во ноќен клуб во Кочани има многу загинати и повеќе луѓе се борат за живот, па ФФМ објави дека нема простор за фудбал во овој момент.
„Длабоко сме потресени од трагичната несреќа во Кочани во која настрадаа многу млади луѓе. Во овие тешки моменти, нашите мисли и молитви се со семејствата и блиските на настраданите. Изразуваме најискрено сочувство и поддршка.“, објавија од ФФМ.
Дополнително ќе биде одреден датумот за одигрување на одложените мечеви.
Извор: kurir.mk
