Фетаи: Важно е да се донесе Законот за правична застапеност, меѓународна пракса е да се земе мислење од Венецијанската комисија

October 13, 2024
1 min read

Важно е тоа што конечно ќе се донесе Закон за правична застапеност, кој уставното правило ќе го преточи во законска обврска со контролни механизми. Вакво нешто недостасуваше до сега, а особено со „балансер“, за кој што знаеме дека беше многу злоупотребен и не овозможуваше правична застапеност, смета вицепремиерот задолжен за политики за добро владеење, Арбен Фетаи.

Тој на денешната прес-конференција по повод 100-те дена нова Влада, одговорајќи на новинарско прашање дали се согласува Законот за правична застапеност да биде согласно препораките на Венецијанската комисија според барањето на премиерот, одговори дека е меѓународна пракса да се земе мислење од Венецијанската комисија.

Тој е на ставот дека замрзнувањето на „балансерот“ нема да ги спречи новите вработувања.

-Правичната застапеност е дел од Уставот. „Балансерот“ беше дигитална алатка која овозможуваше реализирање на годишните планови за вработување. Замрзнувањето на „балансерот“ е додека да најдеме ново законско решение. Ова нема да ги спречи вработувањата. Ќе има вработувања според уставното правило на правична застапеност, како што кажа и премиерот. За Законот за правична застапеност се зборуваше со години. Јас сум еден од оние кој во рамките на мојата партија Алијанса за Албанците го изготви овој предлог закон со меѓународни експерти, рече Фетаи.

Тој додаде дека Венецијанската комисија е механизам кој ни овозможува да донесеме решение кое ќе се вклопува со меѓународните практики на Советот на Европа. Исто така, потенцираше дека процесот на донесување на Законот ќе биде транспарентен, ќе се вклучат експерти, граѓани, цивилното општество.

-Меѓународна пракса е да се земе мислење од Венецијанската комисија. За овој закон се зборуваше со години наназад. Законот доцни 22 години. Требаше да се донесе во моментот кога го усвоивме амандманот 6 од Уставот. Но, важно е процесот да почне. Ќе бидат вклучени експерти, граѓани, цивилното општество, како и медиуми. Процесот ќе биде транспарентен, и секој ќе има можност да даде свое мислење, со цел да се најде најдоброто законско решение за реализирање на уставното право, додаде Фетаи.

Прашан дали постои временска рамка кога би се донел Законот за правична застапеност, Фетаи рече дека не може да зборува за датуми, но постои политичка волја за да се почне процесот. Според него, најдобриот начин е Законот да донесе во Собранието со консензус.

На новинарско прашање дали ги слуша препораките од Државната комисија за спречување на корупцијата (ДКСК), Фетаи одговори дека ја поддржуваат работата на оваа институција, ги прифаќаат нивните извештаи и ги следат нивните препораки.

-Јас имам постојани контакти со членови на Антикорупцијата. Активно учествуваме во изготвување на новиот Закон против корупцијата и политички ја поддржуваме работата на оваа институција. Се разбира, ги прифаќаме нивните извештаи и ги следиме нивните препораки. Како вицепремиер и како дел од коалицијата, можам да кажам дека сите сме заинтересирани да докажеме дека нашата влада е реформска, посветена на владеење на правото и на борбата против корупцијата. Ќе видите дека за првпат ќе има промена околу пристапот на финансирање на институциите против корупцијата. Какво Влада заинтересирани сме да инвестираме повеќе буџетски ресурси во сите антикорупциски институции, додаде Фетаи.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

Претходно

Фетаи: Новиот Закон за правична застапеност пред меѓународната заедница, временскиот вакум нема да предизвика последици

Следно

Машко лице пронајдено во бессознание во река во Гевгелија, подоцна починало на скопска клиника

Latest from Blog

Политички пресметки: ВЛЕН ја потсети јавноста за случајот со автомобилот на Али Ахмети при бегството на Груевски

36 Скопје, 3 септември 2025 – Првиот заменик-претседател на Владата и кандидат на ВЛЕН за градоначалник на Чаир, Изет Меџити, изнесе нова сериозна обвинение против претседателот на ДУИ, Али Ахмети. Во интервју

Колдплеј на удар на јавноста: Фронтменот Крис Мартин среде концерт понижил две Израелки (ВИДЕО)

Пејачот на Колдплеј повикал две жени на сцената и ги прашал од каде се, а откако одговорија „Израел“, имаше свирежи и аплауз од публиката. „Ве третираме како и секоја друга личност на

Полицајци не можеле да одолеат- направиле селфи со секси инфлуенсерка, биле казнети па помилувани (ФОТО)

Контроверзниот клип се појави на TikTok во март 2024 година, на кој се прикажани полицајците Стивен Џонс и Грег Тунок како се приближуваат кон инфлуенсерката во Единбург. Дозволата им била одземена Поради овој

Петар Јанков за Струмица: На изборите Струмица донесува важна, храбра и историска одлука за промени

Петар Јанков е кандидатот за градоначалник на Општина Струмица од ВМРО-ДПМНЕ. Одлуката вечерва ја соопштија од партијата по седницата на Извршниот комитет. -Голема благодарност до сите Вас за поддршката што ми ја
Go toTop