Телеметриската сеизмолошка мрежа на Македонија, со станици во повеќе градови одржувана од Сеизмолошката опсерваторија при Природно-математичкиот факултет во Скопје вчеравечер, во 22 часот и 37 минути, регистрираше земјотрес со јачина од 4,8 степени според Рихтеровата скала.
Епицентарот на земјотресот бил на 20 километри североисточно од Тирана, во соседна Република Албанија, односно 130 км југозападно од Скопје.
Според синоќешните информации со кои располага опсерваторијата, земјотресот е почувствуван од населението на нашата Република, особено:
– во западните делови, во градовите Дебар, Гостивар, Тетово и околината со интензитет од III до IV степени според Европската макросеизмичка скала,
– во северните делови, во градовите, Скопје, Велес и околината со интензитет од III степени,
– во југозападните делови, Охрид, Ресен, Битола и околината со интензитет од II – III степени според истата скала.
ИЗВОР: kurir.mk
