Шефот на Мисијата на ЕУ за владеење на правото на Косово (ЕУЛЕКС), Џовани Пјетро Барбано, денеска изјави дека е загрижен поради оставката на тројцата српски полицајци кои неодамна се приклучија на косовската полиција.
„ЕУЛЕКС внимателно го следи развојот на овие настани кои предизвикуваат загриженост. Составот на полициските сили треба да го одразува и претставува општеството на кое му служи и го штити“, напиша Барбано на својот профил на X (Твитер).
Тој додаде дека припадниците на косовската полиција кои доаѓаат од немнозинските заедници можат, со ориентирање на работата на полицијата кон нивната заедница, да придонесат за нејзината безбедност.
„Мисијата (ЕУ) е посветена на поддршката на косовската полиција да развие поефективно, поефикасно, репрезентативно и одговорно спроведување на законот и редот од страна на полицијата“, напиша Барбано. (МИА)
ИЗВОР: kurir.mk
