АТИНА (АА) – Европската Унија (ЕУ) денес соопшти дека однесувањето на „Вагнер“ во Русија е внатрешно прашање на земјата, јавува Анадолу.
Нагласувајќи дека блокот внимателно го следи развојот на ситуацијата во Русија, претседателот на Европскиот совет, Шарлс Мишел, на Твитер напиша: „Ова е јасно внатрешно прашање на Русија.“
Тој истакна дека е во контакт со европските лидери и со партнерите од групата Г7.
Мишел додаде дека поддршката на ЕУ за Украина и нејзиниот претседател Владимир Зеленски останува непоколеблива.
Рускиот претседател Владимир Путин го обвини челникот на „Вагнер“, Евгениј Пригожин, за предавство во денешното обраќање до нацијата, откако паравоените борци ја преминаа границата од Украина во Русија, влегувајќи во градот Ростов.
Пригожин ги обвини руските сили дека ги напаѓаат неговите борци, тврдење што Москва го негира.
Пригожин последните месеци континуирано ги обвинуваше руското Министерство за одбрана и министерот Сергеј Шојгу дека не испорачува доволно оружје за паравоената група.
„Вагнер“ се бореше заедно со редовната руска армија во Украина.
Извор: www.aa.com.tr
