Европската Унија стои зад својот план целосно да го запре увозот на руска нафта и гас до 1 јануари 2028 година, изјави денес комесарот за енергија на ЕУ, Ден Јоргенсен, по состанокот со американскиот секретар за енергија, Крис Рајт.
ЕУ во моментов преговара за законски предлози што предвидуваат целосно укинување на увозот на руска енергија до 2028 година, со забрана за краткорочни договори што ќе стапи на сила следната година, објавува Ројтерс и потсетува дека ЕУ се соочува со зголемен притисок од Соединетите Американски Држави да го запре увозот на руска нафта и гас дури и пред тој рок.
Претседателката на Европската комисија, Урсула фон дер Лајен, изјави во среда дека Унијата ја разгледува можноста за забрзано прекинување на увозот на руска фосилна горива како дел од новите санкции против Москва.
Извор: tv21
