ЕУ: Русија да ги почитува обврските од СТАРТ

Службата за надворешна политика на ЕУ изрази жалење за одлуката на Русија да го прекине учеството во СТАРТ, бидејќи, според нејзиното мислење, тоа ја поткопува безбедносната архитектура во Европа

Европската Унија ја повика Русија да ги исполни своите обврски од Договорот за намалување и ограничување на стратешкото оружје (СТАРТ) и да им дозволи на САД да ги проверат нивните нуклеарни арсенали опфатени со договорот, се вели во соопштението на службата за надворешна политика на ЕУ.

„ЕУ ја повикува Русија да ги исполни своите обврски од СТАРТ, со поедноставување на инспекцијата предвидена со СТАРТ на руска територија и со учество во Билатералната консултативна комисија во рамките утврдени со договорот“,

се наведува во документот.

Како што потсетува Спутник, минатата есен Русија на неодредено време го одложи состанокот на руско-американската консултативна комисија, на која, меѓу другото, се утврдуваат роковите за натамошни инспекции.

Службата за надворешна политика на ЕУ изрази жалење за одлуката на Русија да го прекине учеството во СТАРТ, бидејќи, според нејзиното мислење, тоа ја поткопува безбедносната архитектура во Европа.

„Со зголемување на предвидливоста и взаемната доверба меѓу двете најголеми нуклеарни сили, овој договор го ограничува стратешкото ривалство и ја зголемува стратешката стабилност“,

се вели во соопштението.

Рускиот претседател Владимир Путин во вчерашното обраќање пред Федералното собрание рече дека Русија го суспендира своето учество во Договорот за стратешко офанзивно оружје.