ЕУ: Подготвени сме на решителни мерки ако не дојде до смирување на ситуацијата на северот на Косово  

June 3, 2023
3 mins read

Ги повикуваме и Косово и Србија веднаш и безусловно да преземат мерки за деескалација, да престанат да ја користат реториката на поделба и да се воздржат од какви било понатамошни некоординирани дејствија. Потребно е итно враќање на мирот, се наведува во соопштението на 27. земји членки на ЕУ

Неуспехот во смирувањето на ситуацијата на северот на Косово ќе има негативни последици, а Европската Унија е подготвена да спроведе решителни мерки по овој повод, се наведува во соопштението на земјите-членки на Унијата, објавено денеска.  

Илустративна фотографија/Фото: Архива

Членките на ЕУ, во соопштението кое на Твитер го објави портпаролот на ЕУ Петер Стано, испраќаат конкретни пораки и очекувања до косовските власти и до Србите на северот на Косово.  

„Очекуваме Косово да дејствува на начин што нема да водин кон ескалација на ситуацијата и веднаш да ги прекине полициските операции во близина на општинските згради на северот на Косово“,

се вели во соопштението. 

Новоизбраните градоначалници, се додава, своите должности привремено треба да ги извршуваат во други простории и покрај општинските згради.  

Распишување на нови предвремени локални избори во четирите општини на северот на Косово е исто така едно од барањата наведени во соопштението, на кои од Унијата очекуваат да учествуваат и локалните Срби, кои се мнозинско население во општините.   

„Очекуваме учество на косовските Срби на овие избори“,

се вели во изјавата што портпаролот на ЕУ Петер Стано. 

Политичките претставници на српската заедница во Косово ги бојкотираа вонредните локални избори што се одржаа на 23 април, а на кои беа избрани градоначалници Албанци во општините Северна Митровица, Звечан, Зубин Поток и Лепосавиќ. 

Европската унија во соопштението изразува загриженост во врска со статусот на највисока борбена готовност на српските вооружени сили, што беше прогласена по наредба на претседателот на Србија Александар Вучиќ, по ескалацијата на протестите на косовоските Срби на 26 мај.  

„Ги повикуваме и Косово и Србија веднаш и безусловно да преземат мерки за деескалација, да престанат да ја користат реториката на поделба и да се воздржат од какви било понатамошни некоординирани дејствија. Потребно е итно враќање на мирот“,

се наведува во соопштението.  

Србија и Косово се поканети што поскоро да се вклучат во дијалогот што го води ЕУ, што според соопштението подразбира почеток на работата за формирање на Заедницата на општини со српско мнозинство „без натамошно одлагање или предуслови“. 

 Во општините со српско население на северот на Косово тензиите ескалираа уште на 26 април откако градоначалници Албанци со помош на специјалните сили на косовската полиција се обидоа да ги преземат функциите во општините со мнозинско српско население откако победија на изборите што Србите ги бојкотираа.  

Насилствата дополнително ескалираа три дена подоцна, кога припадници на КФОР интервенираа да ги растераат српските демонстранти кои беа собрани пред општинската зграда во Звечан, по што дојде до конфликт во кој беа употребени солзавец и шок-бомби, а со повреди завршија десетици лица од двете страни.  

По инцидентите во Звечан, НАТО одлучи да ја зголеми својата мисија од 4 000 војници на Косово за дополнителни 700 војници, откако 30 војници на КФОР беа повредени за време на судирите со српските демонстранти. 

„Европската Унија силно го осудува насилството врз граѓаните, војниците на КФОР, органите на редот и медиумите на северот на Косово. Насилството можеше да се избегне и мора да се избегнува во иднина“,

се наведува во соопштението. 

Од почетокот на тензиите, меѓународната заедница континуирано апелира да се преземат чекори за смирување на ситуацијата. 

Косовската претседателка Вјоса Османи и косовскиот премиер Албин Курти сигнализираа дека се подготвени за распишување на нови избори во четирите општини на северот.   

Во Звечан, Зубин Поток и Лепосавиќ, групи граѓани од 30 мај секојдневно протестираат против новоизбраните градоначалници Албанци на општините, а на протести излегоа и денеска.  

Српскиот претседател вчера изјави дека не знае кое е решението за деескалација на тензиите со Косово, но додаде дека сака да ги слушне предлозите на западните претставници кои идната недела ќе допатуваат во Белград.

Идната недела, како што објави регоналниот сервис на Радио Слободна Европа (РСЕ), во посета на Белград и Приштина ќе бидат специјалниот претставник на Европската Унија, Мирослав Лајчак, и заменик-помошникот државен секретар на САД и специјален претставник за Западен Балкан, Габриел Ескобар.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Ал-Ула, историски град на културата на Саудиска Арабија

Следно

Марко Асенсио го напушта Реал

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop