БРИСЕЛ (АА) – Европската Унија (ЕУ) мобилизираше над 116 милиони евра за купување на засолништа за итни случаи за Туркије и пет земји членки на ЕУ, јавува Анадолу.
„Со цел да се развијат резерви на засолништа за Механизмот за цивилна заштита на ЕУ, Унијата додели 116,6 милиони евра за Хрватска, Полска, Словенија, Шпанија, Шведска и Туркије“, објави Балаш Ујвари, портпарол за управување со кризи, на прес-конференцијата на ЕУ.
„Со финансиската поддршка, земјите ќе можат да ги развијат своите резерви за итни случаи што би обезбедило засолниште за илјадници луѓе“, појасни тој.
Засолништата ќе бидат опремени со кујна и санитарни јазли и се приспособени на потребите на децата и лицата со посебни потреби.
Првите засолништа ќе можат да се користат почнувајќи од 2024 година.
Туркије, која е членка на Механизмот за итни случаи на ЕУ, брзо прими помош по разорниот земјотрес во февруари оваа година, во кој загинаа повеќе од 50.000 лица.
Туркије исто така е кандидат за членство во ЕУ од 1999 година.
Извор: www.aa.com.tr
