ЕУ го потврди состанокот на Вучиќ и Курти на 2 мај во Брисел

April 28, 2023
2 mins read

Од двете страни се очекува да ја усвојат декларацијата за исчезнати лица како прва точка на дневниот ред, по што ќе следува презентација и дискусија за првиот нацрт на статутот на Заедницата на општините со српско мнозинство на Косово

Портпаролот на Европската Унија (ЕУ), Петер Стано, денеска потврди дека на 2 мај во Брисел ќе се одржи средба меѓу претседателот на Србија, Александар Вучиќ и премиерот на Косово, Албин Курти, како дел од дијалогот за нормализација на односите. Двајцата лидери, како што беше соопштено, го потврдиле своето учество.

Српскиот претседател Александар Вучиќ и премиерот на Косово, Албин Курти, на една од претходните средби/Фото: EPA-EFE/STEPHANIE LECOCQ

Вучиќ и Курти, како што информираше Стано на денешната прес-конференција, ќе дојдат во Брисел на покана на високиот претставник за надворешни работи и безбедносна политика на Европската Унија, Жозеп Борел, кој заедно со специјалниот претставник на ЕУ, Мирослав Лајчак, ќе одржи заедничка средба со лидерите чиј почеток е закажан во 18 часот на 2 мај.

На средбата ќе се разговара за имплементацијата на Договорот за нормализација на односите на меѓу Белград и Приштина.

Од двете страни се очекува да ја усвојат Декларацијата за исчезнати лица како прва точка на дневниот ред, по што ќе следува презентација и дискусија за првиот нацрт на статутот на Заедницата на општините со српско мнозинство на Косово.

По завршувањето на средбата, како што се наведува, изјава ќе даде високиот претставник на ЕУ, Борел.

Портпаролот на ЕУ, Петер Стано, денеска на прес-конференцијата во Брисел изјави дека ЕУ како посредник се обидува да им помогне на Белград и Приштина да постигнат напредок во дијалогот и да ги исполнат своите обврски.

Портпаролот на Европската Унија, Петер Стано/Фото: Архива

„ЕУ како посредник се обидува да им помогне на двете страни да постигнат напредок, да напредуваат во процесот на дијалог и да ги исполнат своите обврски. Заедницата на српските општини е нешто што е веќе договорено и треба да се спроведе, како и многубројни работи кои се договорени и треба да се исполнат. Одиме напред, правиме сè што можеме за да им помогнеме на двете страни да го направат потребниот напредок кон имплементацијата“,

рече Стано.

Тој не сакаше да ги коментира изјавите на српскиот претседател Александар Вучиќ и на косовскиот премиер Албин Курти во пресрет на средбата.

„Не ги коментираме изјавите што доаѓаат од која било страна, но со нетрпение го очекуваме дијалогот на високо ниво закажан за вторник овде во Брисел бидејќи тоа е платформа за разговори за проблемите и потенцијално изнаоѓање решенија“,

рече портпаролот.

Тој додаде дека ЕУ не шпекулира за прашања од типот „што ако“, одговарајќи на новинарско прашање дали ќе има нови состаноци и рокови во случај да нема напредок по прашањето за формирање на ЗСО.

Српскиот претседател, Александар Вучиќ и премиерот на Косово, Албин Курти, на 27 февруари во Брисел го договорија текстот на договорот за патот кон нормализација на односите меѓу Косово и Србија.

На средбата одржана на 18 март во Охрид беше постигнат договор и за анексот за имплементација на сите членовите од Договорот.

Лидерите не го потпишаа Договорот, но според претставниците на ЕУ и САД, и покрај тоа, двете страни се обврзани да ги спроведат сите точки предвидени во него.

Српските власти, сепак, редовно велат дека нема да ги спроведат сите членови од Договорот, особено оние поврзани со членството на Косово во меѓународните организации.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Во завршна фаза е асфалтирањето улица ,,Козјак”

Следно

Транс- култот стигнува и на Евровизија

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop