Ердоган учествуваше на онлајн состанок на европските лидери за Украина и одбраната

ИСТАНБУЛ (АА) – Турскиот претседател Реџеп Таип Ердоган денеска учествуваше на онлајн​​​​​​​ состанок на европските лидери, јавува Анадолу.

Ердоган на состанокот учествуваше од палатата „Долмабахче“ во Истанбул, придружуван од турскиот министер за надворешни работи Хакан Фидан, шефот на Директоратот за комуникации Фахретин Алтун, главниот советник за надворешна политика и безбедност Акиф Чагатај Килиќ и Омер Челик, портпаролот на турската владејачка Партија на правдата и развојот (АК Партија).

Состанокот беше втор од ваков вид, дизајниран да ги запознае лидерите со дискусиите меѓу шефовите на држави и влади на Европската Унија во врска со поддршката за Украина и европската одбрана.

На состанокот учествуваа и претседателот на Европскиот совет Антонио Коста, претседателката на Европската комисија Урсула фон дер Лајен, високата претставничка на ЕУ за надворешна политика Каја Калас и лидерите на Исланд, Норвешка и Обединетото Кралство.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.