ИСТАНБУЛ (АА) – Претседателот на Туркије, Реџеп Таип Ердоган, денес се состана со членовите на Претседателскиот совет на Босна и Херцеговина Денис Беќировиќ, Жељко Комшиќ и Жељка Цвијановиќ со кои разговараше за односите меѓу Туркије и Босна и Херцеговина, како и за регионалните и глобалните прашања, јавува Анадолу.
Ердоган со членовите на Советот се состана на маргините на Дипломатскиот форум во Анталија.
„Претседателот Ердоган на средбата истакна дека од клучно значење за Туркије е задржувањето на единството, мирот и стабилноста на Босна и Херцеговина и продлабочувањето на односите меѓу двете земји“, соопшти Директоратот за комуникации при турското Претседателство на платформата Х.
Ердоган, исто така, ја истакна решеноста на Анкара да пружи искрен и конструктивен придонес за овие прашања, кој ќе продолжи да се зголемува, соопшти Директоратот.
„Претседателот Ердоган нагласи дека ќе продолжат чекорите за зголемување на обемот на трговска размена и соработката на сите полиња“, се додава.
Извор: Anadolu Agency (AA)
