АНКАРА (АА) – Претседателот на Република Туркије и претседател на Партијата за правда и развој (АК партија), Реџеп Таип Ердоган, денес говореше на Проширениот состанок на претседателите на провинциите на неговата партија во Конференциската сала на АК Партијата, известува Анадолу.
Претседателот Ердоган во своето обраќање истакна:
„Сведоци сме на брутализам во кој дури и се пукаше врз амбулантни возила што превезуваа повредени (во Газа), се егзекутираа здравствени работници и се извршија бесрамни воени злосторства.“
Претседателот Ердоган рече дека како што досега се спротивставиле на притисоците на глобалното ционистичко лоби, така и во иднина ќе продолжат да ја извикуваат вистината против угнетувачите.
„Веруваме дека разгорувањето на тензиите (во Газа), разгорувањето на пламенот и трчањето по нови мапи со експанзионистички намери никому нема да му е од корист. Ова сите нека го знаат и разберат, сѐ додека Израел отворено го нарушува човечкото достоинство во Газа, ние никогаш нема да им го свртиме грбот на нашите браќа таму.“
– „Никој не може да ни црта граници кога станува збор за одбрана на правото на угнетените“
Зборувајќи за геноцидот што Израел го спроведува во Газа, претседателот Ердоган го рече следното: „Ќе разговараме за геноцидот во Газа со шефовите на држави на 4. Форум за дипломатија во Анталија и ќе бараме одговори на прашањето што можеме да направиме за да го запреме угнетувањето. Додека Израел го гази човечкото достоинство во Газа, ние ќе бидеме покрај нашите браќа таму. Никој не може да ни црта граници кога станува збор за одбрана на правото на угнетените.“
Претседателот на Туркије во својот говор се осврна и на ситуацијата во Сирија, велејќи:
„Секогаш ќе бидеме покрај нашите браќа од Сирија и решително ќе ги исполниме нашите одговорности за обезбедување стабилност во Сирија“.
Извор: Anadolu Agency (AA)
