ИСТАНБУЛ (АА) – Турскиот претседател Реџеп Таип Ердоган рече дека оние кои држат лекции за човековите права и слободи низ светот сѐ уште молчат за масакрите во Газа, јавува Анадолу.
Ердоган присуствуваше на ифтарска вечера во Истанбул, каде што имаше свое обраќање.
„Никој од оние кои го учат светот за човековите права и слободи сè уште не реагира на ужасното убивање бебиња во нивните лулки во Газа“, рече турскиот претседател.
Тој нагласи дека Туркије спроведува повеќестрани дипломатски напори за повторно воспоставување на прекинот на огнот и ставање крај на масакрот во Газа.
Инаку, денес шест деца се убиени од вкупно 21 Палестинци во израелските напади врз енклавата.
По прекршувањето на договорот за прекин на огнот и размена на затвореници од страна на Израел во вторникот, убиени се над 700 Палестинци, а повеќе од 900 се повредени.
Од октомври 2023 година, речиси 50.000 Палестинци се убиени, главно жени и деца, а над 112.000 се повредени во израелските напади врз Газа.
Извор: Anadolu Agency (AA)
