ЛЕФКОША (АА) – Претседателот на Турција, Реџеп Таип Ердоган во рече дека кипарските Турци не можат да си дозволат да изгубат уште 60 години и додаде дека е време да се надмине „застарениот модел на федерација за островот поддржан од ОН“, известува Анадолу.
Претседателот Ердоган се обрати на официјалната церемонија по повод „Денот на мирот и слободата во Турската Република Северен Кипар“ во Лефкоша
Во својот говор Ердоган се осврна на нападот на кипарските Грци врз турското население на островот и за интервенцијата на Турција со цел да ја спаси турската популација на островот.
„Со истоварувањето на турските војници на островот (1974) за време на мировната операција на Кипар, целиот свет виде дека кипарските Турци не беа сами“, истакна турскиот претседател Ердоган.
Зборувајќи за угнетување што ги претрпеле Турците на островот, Ердоган посочи дека не заборавиле што им се случило на кипарските Турци и дека ќе направат сè што е потребно за да спречат таквата болка да се повтори.
Зборувајќи дека кипарските Турци не можат да си дозволат да изгубат уште 60 години, претседателот Ердоган рече дека е време да се надмине застарениот модел на федерација за поддржан од ОН.
Тој истакна дека се инсистира на модел на решение од кој кипарските Турци јасно ја повлекле својата поддршка и кој многу пати претходно никому не му користел.
„Иако кипарските Грци се обидуваат да се прикажат како единствени владетели на островот, Турската Република Северен Кипар сега е претставена во Организацијата на турските држави и Организацијата за исламска соработка“, рече Ердоган и ја повика глобалната заедница да воспостави и дипломатски и економски врски со Турската Република Северен Кипар, потенцирајќи дека мора да се дозволат и директни летови и трговија.
За иднината на ТРСК и Турците на островот, претседателот на Турција вети:
„Кипарските Турци засекогаш ќе живеат слободни во својата татковина, со целосна поддршка на Турција, без разлика што зборуваат сите.“
Извор: Anadolu Agency (AA)
